عندنا بحرين....وبنستورد سمك

 *عندنا بحرين ونهر.. وبنستورد سمك!*


حد يفهمني إزاي؟


مصر عندها البحر الأحمر، والبحر المتوسط، ونهر النيل.

يعني 3 مصادر سمك، لو استغليناهم صح، نأكل الشعب المصري كله بروتين، وأحلى بروتين، بروتين السمك.


إنما إحنا بنعمل إيه؟

بنستورد ماكريل من بره، هو بييجي حلو، بس الله أعلم بيحصل له إيه على ما يوصلنا ويتخزن ويتباع،

وبناكل بلطي متربي في مزارع، المية بتاعتها مية مجاري وصرف!

يعني اللي ياكل منه يعيا، بدل ما يتغذى يتسمم!


يعني عندنا الخير كله، وسايبينه، ورايحين نعتمد على بره، ونربي جوه في مية وحشة.

دي مش قلة إمكانيات


لو الشواطئ دي اتنضفت واتعمل عليها مزارع سمكية نضيفة ومصانع، كنا غطينا مصر كلها سمك، وبسعر الغلبان يقدر عليه.


هو احنا هنفضل لحد إمتى عندنا كل حاجة، ومش عارفين نستفيد منها؟


تعليقات

المشاركات الشائعة من هذه المدونة

ربنا ماقالاش نبيه عليه افضل الصلاه والسلام...انما احنا اللي قاليناه

رساءيل نابليون من القاهره..ما لم يزكر في الكتب .