المشاركات

عرض المشاركات من نوفمبر, 2026

عندنا بحرين....وبنستورد سمك

صورة
 *عندنا بحرين ونهر.. وبنستورد سمك!* حد يفهمني إزاي؟ مصر عندها البحر الأحمر، والبحر المتوسط، ونهر النيل. يعني 3 مصادر سمك، لو استغليناهم صح، نأكل الشعب المصري كله بروتين، وأحلى بروتين، بروتين السمك. إنما إحنا بنعمل إيه؟ بنستورد ماكريل من بره، هو بييجي حلو، بس الله أعلم بيحصل له إيه على ما يوصلنا ويتخزن ويتباع، وبناكل بلطي متربي في مزارع، المية بتاعتها مية مجاري وصرف! يعني اللي ياكل منه يعيا، بدل ما يتغذى يتسمم! يعني عندنا الخير كله، وسايبينه، ورايحين نعتمد على بره، ونربي جوه في مية وحشة. دي مش قلة إمكانيات لو الشواطئ دي اتنضفت واتعمل عليها مزارع سمكية نضيفة ومصانع، كنا غطينا مصر كلها سمك، وبسعر الغلبان يقدر عليه. هو احنا هنفضل لحد إمتى عندنا كل حاجة، ومش عارفين نستفيد منها؟

الفاشل إللي يبقي فنان ٠٠٠٠٠بيدخل الجامعة من أوسع أبوابها

صورة
 *الفاشل اللي بيبقى فنان.. بيدخل الجامعة من أوسع أبوابها!* من يومين سألنا: هو ده دور الجامعة؟ ولا دور سينما؟ لما اتكرم الفنانين جوه الجامعة، واتقال على مسرح الجامعة "عاملين إيه يا صيع؟" كان لازم نكمل ونقول الحقيقة.. الفنان ده بدأ حياته إزاي؟ بدأ بالفشل. فشل إنه يبقى إنسان صالح مستقيم، ينفع بعلمه وينفع بيه المجتمع، وساب شهادته وساب الطريق الصح، وراح للفن. والنهاية؟ حسرة وندم ومرض وفقر وتجاهل. *إلا من تاب.* إلا اللي جه في آخر أيامه وعرف ربنا، وتاب توبة نصوحة، وثبت عليها، وربنا هداه. دول بقى بنحترمهم وبندعيلهم بالثبات، لأنهم عرفوا الحقيقة قبل فوات الأوان. لكن المشكلة في اللي لسه مكمل في طريقه، هو اللي بيدخل الجامعة النهارده من أوسع أبوابها، وبيتكرم فيها، جوه مدرج المفروض إنه محراب للعلم. والمفارقة، إن المهرجان اللي بيتكرموا فيه شايل اسم عمر الشريف، وعمر الشريف نفسه كان بيقول: "إحنا أراجوزات.. بنحفظ كلمتين وبنقبض فلوس ما نستحقهاش" وقال في دبي 2009: التمثيل مهنة وضيعة، وأنا دخلتها لأني فشلت في كل حاجة. وكان شايف إن القدوة الحقيقية هما الدكتور والمهندس والمعلم. يبقى السؤا...

ربنا ماقالاش نبيه عليه افضل الصلاه والسلام...انما احنا اللي قاليناه

صورة
ربنا ما قالاش نبيه عليه عليه الصلاة والسلام....إنما إحنا اللي قاليناه *الموضوع:* > الوحي اتأخر أيام عن سيدنا النبي عليه الصلاة والسلام، والمشركين قالوا: "محمد ودعه ربه وقلاه". > > فنزلت السورة ترد عليهم: > "مَا وَدَّعَكَ رَبُّكَ وَمَا قَلَىٰ" > > يعني ربنا بيقول: أنا ما سبتكش يا محمد، ولا قليتك، > > بس الحقيقة الموجعة يا جماعة.. > هو ربنا اللي قلى النبي؟ ولا احنا اللي قليناه؟ > > ربنا ما سابش نبيه، لأنه نبيه المصطفى المختار. > انما احنا.. احنا اللي سبناه. > > سبنا سنته، سبنا سيرته، سبنا الصلاة عليه، وبقينا نفتكر الدنيا كلها وننسى اللي هيشفع لنا يوم القيامة. > > . > > عشان كده، زي ما ربنا ما نسيش نبيه، المفروض  احنا أولى. > > احنا اللي محتاجين نفتكره، نصلي عليه، نمشي على طريقته، عشان هو اللي هيفتكرنا يوم ما الكل ينسى. > > وصدقني انت الكسبان لما تصلي عليه، شوف اقدار الصلاة على النبي: > > اللي يصلي عليه مرة، ربنا يصلي عليه عشر مرات. > اللي يصلي عليه، ربنا يغفرله عشر سيئات...