رساءيل نابليون من القاهره..ما لم يزكر في الكتب .

رسائل نابليون من القاهرة... ما لم يُذكر في الكتب كلنا اتعلمنا في المدرسة إن نابليون جه مصر 1798 وهزم المماليك، لكن محدش قالنا كان بيكتب إيه لمراته وهو قاعد في القاهرة، ومين اللي ثار ضده. نابليون مكنش جاي يحتل بس، كان جاي يمثل إنه مسلم! لبس جلباب وعمامة وقال للشيوخ إنه بيحب النبي، وكان بيحضر المولد النبوي في الأزهر. في رسائله الخاصة اللي اتكشفت في فرنسا بعد 100 سنة، كان كاتب: > "المصريون شعب لا يُقهر بالسلاح، يُقهر فقط إذا أقنعته أنك مثله.. أنا أرتدي عمامتهم ولكن قلبي عندك في باريس بعد شهرين من دخوله، فرض ضرايب تقيلة وجنوده دخلوا البيوت والأزهر بالجزم. ففي 21 أكتوبر 1798، قفلت القاهرة كلها، والناس عملت متاريس في الحواري والثورة قامت من قلب الجامع الأزهر. اللي قادها كانوا شيوخ الأزهر مش عسكريين: - الشيخ عمر مكرم نقيب الأشراف - الشيخ الشرقاوي شيخ الأزهر - الشيخ السادات نابليون اترعب، وطلع المدافع فوق القلعة وجبل المقطم وضرب القاهرة والأزهر بالمدفع لأول مرة في تاريخه. جنوده دخلوا الأزهر بالخيول ومزقوا المصاحف. في يوم واحد قتل 3000 مصري، وقبض على 6 من كبار المشايخ وقطع رؤوسهم في ميدان القلعة. السر اللي متقالش: بعد ما قمع الثورة، كان عايز يهدم الأهرامات ويبني مكانها قلعة مدفعية، والمهندسين قالوله التكلفة هتفلس فرنسا، فتراجع. اللي عمله في الأزهر ده هو اللي خلا المصريين يحقدوا عليه، وبعدها بسنة عملوا ثورة القاهرة التانية 1800 وكانت أعنف وكادت تطرده لولا الخيانة. نابليون قعد 3 سنين بس، لكنه وهو ماشي سرق 20 صندوق كتب ومخطوطات من مكتبة الأزهر، لسه موجودة في مكتبة باريس لحد النهارده. بقلم: سعيد سليم - حكايات مصرية

تعليقات

المشاركات الشائعة من هذه المدونة

ربنا ماقالاش نبيه عليه افضل الصلاه والسلام...انما احنا اللي قاليناه